माय मराठी महान अमुची माय मराठी महान ||धृ ||
सातवाहने निर्मित केली यादवकाळी विकसित झाली
संत महंते पावन केली सकला देई ज्ञान ||१||
संस्कृत प्राकृत भाषा बोली देवनागरी लिपीत नटली
मुकुंदराज अन् ज्ञानेशाने वाढविला सन्मान ||२||
शिवरायांच्या स्वराज्यकाळी राजदरबारी जावून बसली
मराठी झाली वैभवशाली जागविला अभिमान ||३||
अहिराणी वा असो वऱ्हाडी कोळी कोकणी अन् भिल्लोरी
गणबोलीची रीत आगळी भाषा हीच प्रमाण ||४||
अभंग भारूड ओवी लावणी गद्य पद्याचा साज लेवूनि
नाट्य कथांची झेप घेवूनि जगीं वाढली शान ||५||
लिहू मराठी बोलू मराठी शाळेतून ही शिकू मराठी
उद्घोष असावा एकच कंठी 'अभिजात' मिळावा मान ||६ ||
शशिकांत घासकडबी, नंदुरबार ९५२७१५३९२५
