श्रावणसरींची लागते चाहूल,
संपे घालमेल धरित्रीची |
मोहरते भूमी,फुलतो निसर्ग,
आनंदी आनंद सर्वदूर ||
पाखरांची किलबील,
वेली पानांची सळसळ |
सूरसंगिताची वाटे,
जणू भरली मैफिल || १ ||
मठमंदिरात येती ,
भक्तभाविकांच्या झुंडी |
जप तप दानासाठी,
लागे भाविकांत होडी || २ ||
कुणी धरी उपवास,
कुणी करी एकभुक्त |
कुणी देती शिवमूठ,
करी शिवा अभिषेक || ३ ||
सण उत्सवाचा मास,
होई आल्हाद मनास |
सर्व सुखात असू दे,
हाच देई विश्वास |४
असा हा श्रावण,
करी सुखाची बरसात |
विश्वमांगल्याची होते,
जणू इथे सुरूवात || ५ ||
शशिकांत घासकडबी, नंदुरबार
